Nils J. Lekve i Ulvik får skryt av Innovasjon Norge for nettsida om sider. Men Sosial—og helsedirektoratet meiner det er ulovleg alkoholreklame.
Siderprodusenten er fortørna, og vil klaga på brevet frå direktoratet.
— Dette heng ikkje saman, seier Lekve til Bergens Tidende.
På sider-sidene vert alkoholhaldig drikke profilert med fleire bilete av flasker med Hardanger Sider og omtale av produktet, påpeikar Sosial- og helsedirektoratet. Dette er i strid med alkohollova. Direktoratet krev at Lekve innan 15. januar stadfester at nettsidene er retta i samsvar med reglane om alkoholreklame.
Unntak for Vinmonopolet
Direktoratet minner om at dei kan gjera vedtak om tvangsmulkt om nettsidene ikkje vert endra. AV ARNE HOFSETH.
11-01-2007