Hardanger Saft- og Siderfabrikk ligg inst inne i Hardangerfjorden på fruktgarden Lekve i Ulvik.
Garden Lekve ligg i ei sørvendt helling med beste klimatiske tilhøve for fruktdyrking.Garden har lang tradisjon for fruktdyrking og heile garden er i dag planta til med frukt.Ein god del av garden er brattlendt og dette medfører store utfordringar på den driftstekniske sida.
Frå frukt- til sider og brennevin
Frå gammalt av var det fruktdyrking på Lekve; eple, pære, plommer og moreller. I dag er det eple som vi brukar til eigen produksjon. Vi lagar produkt både med og uten alkohol, slike produkt har lang tradisjon i Hardanger.
